Зайсан аудандық білім бөлімінің ұйымдастыруымен «Интеллектуалды жастар шығармашылығы - 2011» көрмесі өтті

Зайсан аудандық білім бөлімінің ұйымдастыруымен «Қазақстан Республикасының Тәуелсіздігіне 20 жылдығына» арналған оқушылардың аудандық «Интеллектуалды жастар шығармашылығы - 2011» көрмесі өтті. Мақсаты: Оқушылар арасында ғылыми-техникалық, құрастырушылық ой қабілеттерін олардың ізденгіштік, өнертапқыштық дағдыларын қалыптастыру, дамыту, үйлестіру, озық тәжірибедегі жұмыстарды даралап кеңінен насихаттау.
Аудандық көрмеге мектепішілік байқау жеңімпаздарының жұмыстары қойылды. 26 мектеп «А», «Б» топтарына бөлініп: «Техникалық шығармашылық», «Ұлттық қол өнер», «Өлкетану», «Қолданбалы өнер», «Көркем сурет» - тақырыптарына сәйкес көрменің 5 бөлімі бойынша 343 экспонат қойылды. Көрмеге әкелінген экспонаттарды әр оқушы өзі қорғап, экспонаттың өндіріске қажеттілігін дәлелдеді. Көрме 29 наурызда жұмысын аяқтайды. Көрменің қорытындысы бойынша жеңімпаздар анықталып білім бөлімінің грамоталарымен және бағалы сыйлықтармен марапатталады.

Аудандық білім бөлімі